«Ringo» тобы 10 жылдыққа қызу дайындық үстінде
Live band, жанды дауыс, бүгінде 10 жылдық мерейтойға қызу дайындық жүргізіп жатқан «Ringo» тобының тыңдарманға деген тосынсыйы көп, аталмыш төрттіктің әншілері ғаламат шоудың куәсі боласыздар деп отыр.
«Ringo» тобы соңғы он жылда ел намысын әлемдік ән додаларында қорғап, талай мәрте жүлделермен оралған. Бүгінде арнайы фотосессия жасап, хореграфтармен және live band-пен қызу дайындалып, мерейтойды ерекше атап өтуді жоспарлап отыр.
Алуа Қонарова: Бұл кеш толықтай жанды дауыста өтетін болғандықтан басты ерекшелігі де осы, қазіргі таңда фонограммаға бауыр басқан әртістер көп. Көрермен жігіттердің табиғи дауыстарына разы болып қайтады деген ойдамын.
«Ringo» тобы: Әрине, біз де ондай концерттерді көп бере бермейді, біз ешкімді кінәламаймыз бірақ біздің таңдауымыз осындай концерт. 10 жылдық тарихымызда өте көп әндер болды, оның барлығын концертке кіргізу мүмкін емес, сол себепті ең үздік әндерді шырқайтын боламыз.
Көптен күткен 10 жылдық концерт Алматы қаласында 22-ші қазан күні өтетін болады.
Дереккөз: «Ревю» бағдарламасы
