Балжан Бидаш Кешьюді бұзылған дегендерге жауап берді
Белгілі продюсер Алагөзованың Кешью тобы соңғы жылдары құрамын жиі ауыстырса да, топ әлі де статусын жоғалтпаған. Дегенмен, орын алған жайттарға байланысты көбісі топ қыздарын сөгіп, біраз пікір қалдыруда. Топтың мүшесі Балжан Бидаш өз парақшасында осындай пікірлі оқырандарына жауап берді.
«Адамдардың Кешьюға әлі де айтып жүрген әңгімесіне жауабым: Кешьюдан шығып кеткен қыздардың комментриінің бірінде «топтан кеткені қандай жақсф болған,өйткені оның ар-ұяты бар» депті…
Кешьюдың қыздары андай-мұндай деп айтатын сіз өз көзіңізбен көрген жоқсыз ғой?! Және кім айтты сізге өнер адамының бәрі бұзылған деп? Сіз сияқты менің де ата-анам,бауырларым инстаграмда отырады, сіздердің жаман сөздеріңізді оқығанда оларға жағымды тиеді деп ойламаймын...5 саусақ бірдей емес, он күнәнің тоғызы тілден. Біреудің артынан әңгіме айтқанша, өз шаруаңды істе немесе үндеме» — деген ашуланған Балжан өз парақшасында.