Анджели Джоли талантты Софиға киноға түсуге роль ұсынды
Софи Манасян — Қазақстандық талантты балақай. Кәсіби биші, әнші, музыкант, модель, «Мисс Вселенная» – Queen of the Queens International 2012, США, — қатысушысы, 6 жасында Халықаралық «Созвездие Вены – музыка, гармония, искусство» фестивалінің алтын жүлде иегері. Цирк жұлдызы — Мұрат Мұтырғановтың шәкірті.
Қазір Софи отбасымен АҚШ, Лос-Анджелестің тұрғыны. Колифорнияда өтіп жатқан «Азияның үздік фильмдері фестиваліне» қатысып, қонақ болған Голливуд жұлдызы, әлемге аты әйгілі — Анджелина Джолимен танысып, онымен түскен суретін желіге жариялап, көпшілікті қуантты. Тәлімгері Мұрат Мұтырғанов өз парақшасына: «Анджелина Джоли Софиге фильмге түсуге кішкене ғана рөль ұсынды»,- деп шәкірті үшін қуанышымен бөлісті. Егер, біздің талантты қызымыз Голливудты мойындатып жатса, ол біз үшін тағы бір абырой! Сәттілік, Софи!
