Төреғали Төреәлі «ТТТ» деген бренд шығармақ

Жуырда ғана «Айхай 25» деп жар салып 5 күн қатарынан 5 түрлі кеш беріп ерекшеленіп жүрген Төреғали желіні де, телеэкранды да «жарудан» шаршамай жүр. Ол әрине тың жаңалықтарымен. Ұлы дала баласы тыңдармандарын әлі сағындырып үлгермеді, жаңашылдық іздеген Төреш 25 жаңа ән, жаңа дуэт орындап, кештен кейін арада екі күн өте дүркіретіп той жасады. Қандай той дейсіз ғой? Иә, иә, арада үш жыл өте, «Үйленбегем, түрім өзі осындай»  деп жасырып келген Төрешіміз Қайрат ағасынан үлгі алып, Толқынын көрсетті. Ал енді, әлеуметтік желідегі парақшасынан байқауымызша әнші өз брендімен жеке киімдерінің топтамасын шығармақ. Желідегі парақшасына әкесінің бағалы киімдер киіп түскен суретін салып: «Жуырда … «ТТТ» EXCLUSIVE»-деп жазған.