Төреғали Төреәлі тұңғыш рет ұлды болды
Былтыр ғана үш қыздың әкесі атанған Төреғали Төреәлі тұңғыш рет ұлды болды. Ұлы дала баласы сүйінші жаңалықты instagram парақшасында хабарлады, — деп жазады «Жұлдыздар әлемі» порталы.
«Ұл әкеп дүниеге жан жарымыз,
Жарқырап кеткендей ме жан-жағымыз?!
Бұрын үйде орамал, көйлек көп ед,
Көбейетін болды ғой шалбарымыз.
Үш қыздан соң Құдайым ұл беріпті,
Қалсын деп артымыздан жалғанып із.
Сансыз шүкір, мақтау мен мадақ болсын,
Қалайша ұмытайық Алланы біз!
Барған жерде ұлды бол деп жатушы ед,
Ақ бата беріп кемпір, шалдарымыз.
Сол елдің ақ тілегі қабыл болып,
Мінекей орындалды арманымыз.
Халайық баршаңызға раxмет,
Недеген жайдары еді жандарыңыз.
Мен сіздерден сүйінші сұрап тұрмын
Бұл себебі сіздердің балдарыңыз!
P.S Атқа мінер туғанын көрсетіп тұр
Атқа мінген суретті салғанымыз!», — деп жазды Төреғали Төреәлі.
