Керменбаев Исабековадан айта бермеуін сұрауда

Батыр Байназаровпен ұрысып жүрген Мақпал Исабековадан енді Нұржан Керменбаев айта бермеуін сұрауда. Нұржан нені айта бермесін дейді? Ол жайлы әнші Мақпал мен әріптесі Нұржан Керменбаев екеуі тыңдармандарына әзірлеген тосын сыйынан білерміз. Меңзеп тұрғанымыз,  “Айта бермеші” атты ғашықтар әні. Superstar жобасы арқылы танысып, артынша етене араласқан қос жұлдыз тыңдармандарын жаңа әнімен қоса бейнебаянмен қуантпақ. Аталған дуэтті жазып көп уақыт әншілер тосын сый ретінде біраз жасыра жүрді. Енді міне жаңа бейнебаянның анонсын халыққа ұсынып, тұсаукесерге дайындауда. Екі дарынды, әрі ерекше стилді әншінің бірігіп жасаған жұмысы халықтың оң бағасына ие болады деген сенімдеміз.