Гүлзира Айдарбекова тыңдармандарын мазалаған сұрақтарға жауап берді

Белгілі әнші — Қайрат Нұртас екінші рет көрермендердің алдына актер ретінде толықметражды «Арман» фильмінде бой көрсетті. Басты рөлді жылдар бойы жасырған жары екеуі ойнады. Иә, 10 жыл жасырған Гүлзира Айдарбекованың келінінің образы да, рөлі де өзгеше. Неге осынша жыл Жұлдызды көзден тасада ұстады? Дебюттік образы неге осындай? Неліктен фильмде «қоғамдық» мәселе қозғалған? Ондай рөлге келінін қалай қиды? Дәл осындай сұрақтар тек бізді ғана емес, қалың көпшілікті мазалап келді. Қайраттың продюсері, әрі анасы — Гүлзира, барлық сұрақтарға нүктесін қойды:

  «Сіздердің көптен бері күтіп жүрген сұрақтарыңызға жауап беруді жөн көрдім. Сіздер үшін де, біз үшін де маңызы бар оқиға. Қайраттың шығармашылығын жіті қадағалап, Қайраттың жеке өміріне қызығып, Қайраттың əндерімен өмір сүріп жүрген тыңдармандары осы маңызды оқиғаны ұзақ күтті. Сіздердің көкейлеріңіздегі ең үлкен сұрақ — Қайраттың отбасы мен жарын неге жасырып келдіңіздер деген екенін біліп отырмын. Иа, расында да, біз Қайраттың жеке өмірін жасырып ұстауды, жеке өмірі жөніндегі ақпараттарды құпия ұстауды жөн көрдік. Қазақ Оттың басын, шаңырақты кие тұтып, тұнығын лайлатпаған. Қайрат та сол киелі шаңырақтың басы болды. Жеке өмірдің аты жеке өмір болғаннан кейін Қайрат та жеке өмірге келгенде оңашалықты қалады.Онан кейінгі себеп-Қайраттың жары Жұлдыздың мамандығы-актриса. Біз Қайрат отау құрып, отбасын құрып жатқан уақытта Қайратпен жұмыс жасап, оған əдемі əндер жазу арқылы тыңдарман жинап, жұлдызға айналуы жолында қызу қызмет үстінде болғанбыз. Сондықтан, Жұлдызды екінші кезекке қоя тұруға тура келді. Енді мен бұл уəжді продюссер ретінде айтып отырмын. Ең бастысы Қайратты халық шығармашылық адамы ретінде таниды, сондықтан өнер адамы ретіндегі қыр-сырын ғана сарапқа салған дұрыс секілді. Сол секілді Жұлдыз да өнерден алыс адам емес. Үйде мен оларды балаларым ретінде тəрбиелегеніммен, шығармашылыққа келгенде оларға мен продюссер ретінде кəсіби тұрғыда қараймын. Аллаға шүкір, бүгінгі күні Қайрат толық шығармашылық адамы ретінде қалыптасып үлгерді. Енді Жұлдыздың да шығармашылық қарым-қабілетін көпшілікке таныстыруды əріптестеріммен бірге ақылдаса отырып, жөн көрдік. Мына фильм де осы сөзімнің дəмдемесі. Фильм жөнінде қысқаша мəлімет берсем- фильм Қайраттың жеке өмірі жөнінде екен деген секілді ойларды естіп қалып жүрміз. Алайда, олай емес! Халықтан «Қайрат үйленген ба?, Әйелін неге жасырасыз, «гүл құшақтап отырғанша, немерелеріңізді құшақтап отырмайсыз ба? — деген сияқты ауыр сөздерді естідім. Сол кезде Қайраттың жеке өмірі жайлы фильм түсірем, сол кезде көресіздер деп жауап бергенмін. Рашид Сүлейменов «Арман» фильмінің сценариін ұсынғанда, көп ойландым, қолым бармады. Отбасымызбен бұл тақырыпта фильм түсіруге қарсы болдық. Түрлі ойлар санамды мазалады. Ел қалай қабылдар екен? Бүкіл жұртқа 10 жыл жасырып келген келінімді зорлатып қойып қалай ұсынам деген ойлар маза бермеді. Бірақ… Тәуекелге бел буып, Қайратымның отбасын түсіргеннен мен елге, қоғамға аса бір маңызды көмек келтірмейтінімді біліп, отбасымызбен ақылдасып, режиссерге келісімімізді бердік. Бір жағынан мақсатым келінім Жұлдыздың актерлық шеберлігін көрсету болды. Дегеніме жеткен сияқтымын. Осы күнді 10 жыл бойы армандадым. Ақылды, сұлу Жұлдызымды бүкіл елге паш еткім келді. 10 жыл бойы өзімнің туған қызымдай тәрбиелеп, қорғаштап өсірдім. Біздің шаңырақтың табалдырығын аттаған күннен бастап, жанымнан артық, жүрегіммен жақсы көрдім. Бар шындық осы. Ал, енді фильмге келетін болсам, «Арман/ Когда ангелы спят» фильмі қоғамдағы қатерлі дүниелерді, адамшылықтан асып кетіп, талай отбасын қан жылатқан, тағдырды талқыға салып, пенденің өмірімен ойнағандарды бүкпесіз, боямасыз əспеттейтін фильм».