Ерке Есмахан жаңа хит дайындауда

«Қайда?» деп жүріп, барлық хит парадтардың бірінші орынын апталап бермей, «Қайдалатып» қаншама той өткізген Ерке қыз жаңа хит дайындауда. Ол хит «Мұнда» болар ма екен? Әлде басқаша жанрда ма? Әзірше белгісіз. Түсірілімі бүгін ғана басталған жаңа бейнебаянды қазақ эстрадасының аққуы Тимур Балымбетов бастаған  GAKKU ENTERTAINMENT-ке тапсырыпты. Режиссер — Азамат Дулатов. Түсірілім алаңынан инстаграм парақшасына салынып жатқан видеоларға сүйенсек, жаңа әнде көңілді болмақ. Олай болса, Еркенің тыңдармандары да, біз де жаңа хит күтеміз. Сәттілік!