Қайрат Нұртас түсіріп жатқан романтикалық фильм күзде прокатқа шығады

Қайрат Нұртас шығармашылықтағы соңғы жаңалықтарымен бөлісті. Әншінің айтуынша, қазір ол түсіріп жатқан «Келін» романтикалық көркем фильмінің түсірілім жұмыстары аяқталып қалған. Бұл туралы Егемен Қазақстан хабарлайды.

Әншінің айтуынша, фильм күзге салым көпшілік назарына ұсынылады. Фильм режиссері Қайрат Нұртас кинода футболшы рөлін сомдап, өзін жаңа қырынан көрсетпек.

– Алға қойған мақсаттарым ретімен орындалып жатыр. Көптеген жаңа әндер жаздырдым. Күзге қарай жеке концертімді де өткізбекпін, – дейді Қайрат Нұртас.

Ая ӨМІРТАЙ,  

«Егемен Қазақстан»