Димашты қарсы алу кезінде күзетшілер мен БАҚ өкілдері төбелесіп қалды
Бүгін Астанадағы «Қазақстан» орталық концерт залында Димаштың жанкүйерлері мен қолдаушылары жиналды. Жүздеген адамдар жас әншіні айқай-шумен, ысқырықпен күтіп алды деп хабарлайды Nur.kz
Дәстүр бойынша жанкүйерлер Димашты көру үшін ертемен жиналып алып, сүйікті әншілерінің келуін тағатсыздана күтті.
Көп ұзамай қара «Мерседеспен» бүгінгі күннің батыры ғимараттың алдына келді. Әншінің тыңдармандары оны әп сәтте қоршап алып, құшақ-құшақ гүлдерін сыйлады.
ФОТО NUR.KZ
Қаумалаған халықтың арасынан әрең дегенде шыққан Димаш орталық концерт залдың ішіндегі бөлмелердің біріне кіріп, кешке дайындалды.
Ал кейін жағымсыз оқиға орын алды: күзетшілер мен БАҚ өкілдері төбелесіп қалған. Кімдікі дұрыс, кімдікі бұрыс болғаны әзірге белгісіз.