Серік Сәпиев мәжіліс депутаты болды

Боксшы, олимпиада чемпионы Серік Сәпиев Қазақстан Республикасының Парламенті мәжілісінің депутаты болды. Бұл туралы Орталық сайлау комиссиясы хабарлайды.

2017 жылғы  27 ақпандағы № 003 қаулысына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. Қазақстан Республикасы Парламентінің Мәжілісі депутатының босаған мандаты «Нұр Отан» партиясы» қоғамдық бірлестігінің мүшесі Серік Жұманғалиұлы Сәпиевке берілсін.

2. Серік Жұманғалиұлы Сәпиев Қазақстан Республикасы Парламенті Мәжілісінің депутаты болып тіркелсін.

3. Серік Жұманғалиұлы Сәпиевке белгіленген үлгідегі тиісті куәлік пен омырауға тағатын белгі тапсырылсын.