Головкин маусым айында Қазақстанда жекпе-жек өткізуі мүмкін
Қазақстандық Геннадий Головкинның бапкері Абель Санчес GGG-дің келесі жылғы жоспарлары туралы айтып берді, — деп жазады Vesti.kz Boxingnews24.com сайтына сілтеме жасап.
«Геннадий 2017 жылдың алғашқы тоқсанында-ақ бірінші жекпе-жегін өткізеді деген үміттемін. Біз жекпе-жекті Қазақстанда өткіземіз деп ойлаймын, ЭКСПО қарсаңында, маусым айында, сосын ол қыркүйекте кездесу өткізеді. Бәрі жақсы өтсе ол төрт жекпе-жек өткізіп, биылғы жылы өтпей қалған жекпе-жектің орнын толтырады. Жанкүйерлері оны көргісі келеді деп ойлаймын. Бізде оны көргіміз келеді. Ол есейді. Оның қарсыластары кім болатынын білмеймін, біз бұл мәселемен 2017 жылдың алғашқы ширегінде айналысамыз. Қарсыласы Джейкобс болады деген үміттемін, сосын біз ары қарай жылжимыз. Билли Джо Сондерс бар. Ол «Канеломен» міндетті түрде жекпе-жек өткізуі керек. Егер бұл жекпе-жек өтіп, «Канело» жеңетін болса, Альварес пен Головкин кездесуі тартымдырақ бола түседі», — дейді Санчес.
Дереккөз: kaz.tengrinews.kz
