Зарина Диас WTA турнирін жеңіспен бастады

Қазақстанның бірінші ракеткасы Зарина Диас Қытайдың Шэньчжэн қаласындағы халықаралық турнирді жеңіспен бастады. Бұл туралы Vesti.kz хабарлайды.

Зарина Диас бірінші айналым матчында қытай теннисшісі Кай-Линь Чжанмен кездесіп, оны 6:4, 7:6 (7:3) есебімен жеңді. Кездесу бір жарым сағатқа созылды.

Айта кеткен жөн, 22 жастағы Диас әлемнің 52-ракеткасы, ал 25 жастағы Чжан WTA рейтінгісінде 140-орында. Теннисшілер бұрын кездеспеген.

Отандасымыздың келесі қарсыласы румыниялық Андреа Миту мен чехиялық Катержина Синякова кездесуіндегі жеңіске жеткен теннисші болады.

Дереккөз: khabar.kz