Тәуекел Мүслімнің болашақ жары қазақ болмай шықты

Талай қыздың арманына айналған танымал актер Тәуекел Мүслім жақында көңілі құлаған аруды көпшілікке таныстырған болатын.

Елең еткізген ерекше жаңалық бұнымен тыншымай, фанаттар актердің жүрегін жаулаған аруды зерттей бастады. Тіпті, «Тәуекел сүйген қыз қазақ емес екен» деген қауесет те бекер болмай шықты.

Расында, елді шулатқан жұмбақтың жауабын актердің өзі айтып берді. «Таза қазақ емес сияқты, шикілеу» деген оқырманның сұрағына сырбаз жігіт сабырмен жауап берді. «Жаман адам болуы мүмкін, бірақ жаман ұлт деген болмайды» деп сөзін бастаған Тәуекел Мүслім Айтұрған есімді арудың таза қазақ емес екенін ашық айтты. Қанында өзге ұлтпен араласы бар бойжеткенмен қарым-қатынасын ашық жариялай қоймаған Тәуекел «тұратын мен ғой, уайымдамаңыздар» деп халыққа басу айтып қойды.
Анық-қанығына көздері жеткен актердің жанкүйерлері екі жасты жарасымды деп тауып, бақыт тілеуде.