«Қазақстанда Қайратты емдеу мүмкін болмады»

Күні кеше отызға толған әнші Қайрат Нұртастың анасы баласының денсаулығы сыр бергенін айтты. 

Жыл бойы үзіліссіз жұмыс істейтін Қайраттың шаршап жүріп, денсаулығы әлсірегенін байқаған анасы баласының қамына кіріседі. Өкінішке, орай сұрастыру барысында бұндай кезде Қазақстанда ем алу мүмкін емес екендігін білген Гүлзира Үсенқызының жолы Германияға түседі. «Үш аптаның қалай өтіп кеткенін байқамай қалдық, ол жақта ешқайда шықпай сауықты, кешке серуендетіп қана жүрдік» дейді Жұлдыздың енесі.

Қазір әншінің жағдайы қалыпты. «Жақсы жағынан өзгерістер бар, шаршағаны басылып» деген ананың сөзіне қарағанда, Қайраттың денсаулығына пәлендей қауіп төне қоймаса керек. Хит шығарудан шаршамайтын Қайратымыз орда бұзар шағына шалдықпай жетсе болғаны.