Танымал тележүргізуші Дана Нұржігіт 24 жасында эфирге шығарған ұстазы, ҚР Парламенті Сенатының депутаты Дариға Назарбаеваға алғысын айтты.
Бұл туралы журналист өзінің instagram парақшасында жазды.
«Бейбіт өмірде ерлік жасаған батырларды,жетім-жесірлерге көмек қолын созған,туған өлкесінде сауапты істің басы-қасында жүрген қайырымды жандарды марапаттау рәсімін өткіздік.Осынау істің жетекшісі Тұңғыш Президент қорының бастығы Дариға Назарбаева.Бұл кісінің менің өмірімде де алар орны ерекше.ТВ-да маған сеніп алғашқы тікелей эфиріме жүргізуші етіп тағайындаған Дариға Нұрсұлтанқызы еді.Әлім баламның тұсауын кескен де осы жан.
Өмір жолымда кездестірген әр бір адам мен үшін ұстаз.Ал,Дариға Нұрсұлтанқызы консерватория бітіріп келген 24 жасар қызға алғаш рет сенім білдіріп,ТВ тізгінін ұстатқан алғашқы ұстазым,бастығым,мен білетін мықты менеджер.Көптен бері көріспей,бүгін қауыштық.Дариға Нұрсұлтанқызы сол баяғы қалпы: жай ғана жымиып,жай ғана сөйлеп, өзін тыңдата да білетін,жұртты күлдіре де білетін ашық та жайдары адам», — деп жазды Дана Нұржігіт.
