Қарағандының ару қызы «Miss World Peace-2016» байқауына қатысады
«Қарағанды аруы-2015» Рената Нұрғазина қарашада Қытайда өтетін Miss World Peace-2016 байқауында Қазақстанның намысын қорғайды, — деп хабарлайды Tengrinews.kz.
Рената шахтерлар қаласы Қарағандының ең әдемі аруы атағын 2015 жылдың қараша айында жеңіп алған. Оның бұл жеңісі «Қазақстан аруы — 2015» байқауына қатысуға мүмкіндік берген. Ол байқауда Рената «Қазақстанның екінші вице-аруы» атағын жеңіп алған еді.
«Miss World Peace» байқауына қызға қатысуға шақыру келіп, ол келіскен. Рената халықаралық конкурсқа алған рет қатысқалы отыр. Қазіргі уақытта ол байқауға дайындық үстінде.
19 жастағы Рената Букетов атындағы Қарағанды мемлекеттік университетінің студенті. Ол болашақ биолог. Қыздың бойы — 175 сантиметр, дене сымбатының өлшемі — 80-57-89. Жастайынан вегетериан өмір салтын ұстанады екен.
