«Махаббатым жүрегімде» телехикаясы қайта оралды.

Көрермен ықыласына бөленген «Махаббатым жүрегімде» телехикаясының екінші бөлімі түсіріліп бітті. «Хабар» агенттігінің тапсырысымен жүзеге асырылған тележобаның тұсаукесері арнаның 20 жылдығына орайластырылды.

«Телехикаяның екінші бөлімінде жастар арасындағы махаббат сезімі тосын жайттармен өріледі», – дейді туындының режисері Ернар Нұрғалиев. Бірінші бөлімге қарағанда, мұнда көрермендер қарама-қайшы тартысты оқиғалардың куәсі болады.

Тағдырдың тосын сыйына толы телехикаяны 30 қыркүйектен бастап дүйсенбі мен бейсенбі аралығында сағат 21.30-да «Хабар» телеарнасынан тамашалай аласыздар.

Дереккөз: Хабар арнасы