Басты жаңалықтарЖаңалықтарКлассикаМузыкаПродюсерРепортаждарШоу бизнесШоумен & ТұлғаЭксклюзивӘнші

«Өліп қалған жағдайда Кеңсайдан орын дайын!» Иманбаева еңбек сіңірген қайраткерлерге қарастырылған жеңілдікті атады

«Қазақстанның еңбек сіңірген қайраткері!» Әртістер қауымы Димаш Құдайбергеннің су жаңа атағына қатысты ел білмейтін ақпараттармен бөлісті, деп хабарлайды Shownews.kz тілшісі.

Таяуда Димаш Құдайберген «Қазақстанның еңбек сіңірген қайраткері» мәртебесін еншілеген еді. Бір қызығы, бұл атақ жас талғамайды. Әлем таныған қазақ баласына жиырма бес жасында бұйырса, Нұрлан Абдуллин қырықтан асқан шағында Елбасының жеке араласуымен әрең қол жеткізген көрінеді.

«Оны Елбасы өзі естіп, осы күнге дейін сен әлі алған жоқсың ба деп, жігіттерге кішкене наразылық білдірді.  Мен өзім бұйрыққа қол қоямын деп, өзі қол қойып Ақордадан алдым. Мен үшін сол кісінің өзі: «Әй, Нұрлан сенің еңбегің өтті ғой» дегеннің өзі ең үлкен атақ!» – дейді Нұрлан Абдуллин.

Айтпақшы, Айгүл Иманбаева да елімізге еңбек сіңген қайраткерлер санатында. Бір қызығы, тек төсбелгі тағылып, куәлігімен расталатын аталмыш атақтың өнерпаздар үшін аса пайдасы жоқ болып шықты.

«Еңбек сіңірген қайраткердің» материалдық тұрғыдағы жеңілдігі қатты ауырып қалсаңыз президенттің емханасында тегін емделесіз. Өліп қалған жағдайда Кеңсайдан орын дайын. Иә, осы екі жағдай! (күледі) 2015 жылдан бастап бұл мүмкіндіктерді де алып тастады. Қазір шынымен де пайдасы жоқ шығар. Кейде кім көрінгенде алып жатады. Еңбектенген әріптестерің алмай, басқа біреулер алып жатқанда өзің ойланып қаласың. Атақтың кұны не болып кетті деп ойланатын кездер болады», – дейді Айгүл Иманбаева.

Көшқалиев кәсіби сахнадағы алғашқы қадамын 2003-ші жылы бастаған. Бірақ әлі күнге дейін Бейбітке бірде-бір атақ бұйырмапты. Тіпті, талпынып та, қызығып та көрмеген. Өйткені…

«Уақыт өте келе түсінесің, ол атақ керек емес. Қатты бір пайдасы да жоқ негізі. Дегенмен, өзіңнің имиджің деп айтады ғой. Сән үшін демесең, ешқандай не көріп тұрған жоқпын. Ең бастысы – сенің әндерің», – дейді Бейбіт Көшқалиев.

Ал, «Музартағы» Кенжебек мемлекеттің тарапынан берілетін марапаттарды алуға жүрексініп жүр. Кезінде Мейрамбек, Сәкенмен қатар «Мәдениет қайраткері» атанған Жанәбіловтің сырт көздің сынына іліккені әлі есінде.

«Кеше ғана келіп, қалай ол «Мәдениет қайраткері» атағын алады деген сияқты әңгімелер болды. Содан кейін шынымды айтсам «Еңбек сіңірген қайраткер» атағын алғым келмей жүр. (күледі) Шошып қалдым, шошытып тастады»,  – дейді «Музарт» тобының әншісі.

Жыл соңында марапатталған өнер майталмандарының қарасы көп! Мәселен, Роза Рымбаева жоғары дәрежелі «Қазақстанның Еңбек ері» наградасын еншілесе, биыл Тамар Асар «Қазақстанның еңбек сіңірген қайраткері» атанды.

 

Кілтсөздер
Show More

Ұқсас жарияланымдар

Добавить комментарий

Ваш e-mail не будет опубликован.

Back to top button
Close