Жаңалықтаржоғары
Тұңғыш президентке өлең арнаған ақтөбелік ақын елді шошытты
Тәуелсіздік тұғырында 30 жыл ел билеген елбасыны ұлықтаушылар қатары көп. Алайда, ризашылықтың арты жеке басқа табынуға әкеп соқтыруда.
Ақын Балтабек Нұрғалиев тұңғыш президентке арналған өлең жолдарында «Уа, Нұр атам-құдайым, Сізден басқа жоқ Құдай!» деген теңеу қолданып халықты шошытты. Соңғы кездері Назарбаевтар әулеті туралы жырларын желіге таратып, танымалдылыққа ие болған ақынның бұл сөздері шынымен шектен шыққандық дейді халық. Қоғамның қызу талқысына түскен ақынның әрекетіне түрткі болған тек елбасына деген құрмет қана емес, тез танылып кетудің жолы болып шығуы да ғажап емес. Балтабек Нұрғалиев мемлекетіміздегі демократияға да қарсы екенін жеткізді. Ол елді монархиялық түрде, Назарбаевтар басқаруы керек деп санайды.
