Google марқұм Денис Тенді жыл адамы деп жариялады

Қайғылы жағдайда мерт болған Денис Тен 2018 жылы қазақстандық Google қолданушылардың іздеуі бойынша жыл адамы атанды.

Бұл туралы 365info.kz хабарлайды.

Іздеу жүйесінің сарапшылары споршының өлімі Қазақстанда ғана емес, әлем бойынша іздеуге салынғанын айтты.

«Қазақстандық мәнерлеп сырғанаушы, марқұм Денис Тен «Жыл адамы» болды. Екінші орында Лодерхиллден шыққан америкалық рэпер Xxxtentacion тұр. Ол жаз айында қаза болды.

Үштікті аралас жекпе жек спортшысы, ресейлік күрескер Хабиб Нұрмагомедов жалғастырады. Одан бөлек қазақстандықтар Стивен Хокинг, Меган Маркл, Стэн Ли, Конор Макгрегор, Иосиф Кабзон, Хорватия президенті, Олег Табаков туралы көп іздеген», – делінген Google құжатында.