Алматыда «Анаға апарар жол» фильмінің тұсаукесері өтті
Алматыдағы «Республика сарайында» режиссер Ахан Сатаевтың «Анаға апарар жол» фильмінің тұсаукесері өтті — деп хабарлайды Juldyz-alem.kz порталы.
Фильмнің тұсаукесерінде Елбасының қызы, «Анаға апарар жол» фильмінің бас продюсері — Әлия Назарбаева қатысты, тұсаукесерде киноға атсалысқан актерлер, режиссерлер, операторлар және Белоруссия, Ресей елдерінен келген қонақтар да болды.
«Анаға апарар жол» кинокартинасы — қазіргі ұлттық киноматографиядағы ең айтулы қойылымның бірі. «Анаға апарар жол» фильмінің негізгі желісі ана махаббатының құдіретті күшіне арқау болады. Картинаның басты кейіпкері жігерлі рух пен ерлікті, шексіз патриоттық қайсарлықты танытады. Фильм қаhарманы өліммен бетпе-бет келсе де туған анасымын қауышу үміті оны үнемі алға жетелеп отырады.
Басты рөлдерді Әділ Ахметов, Аружан Жазылбекова, Алтынбай Нөгербек сынды танымал кино актерлері ойнайды.
Фильмнен шыққан көрермендер көздеріне жас алып шықты, фильмді қалың көрермен 29 қыркүйектен бастап еліміздің барлық кинотеатрларынан тамашай алады.
Суретке түсірген Ғалымжан Сәңкібаев