Мақпал Исабекова

Мақпал Әбдіманапқызы Исабекова (21 ақпан 1984 жылы Алматы облысы, Жаркент қаласында туған)

Қазақстандық эстрада әншісі, актриса. Қазақстандық «Super Star» тұңғыш шоу-бағдарламасына қатысып, танымалдылыққа ие болған әнші (меццо-сапрано).

«Тарлан» тәуелсіз сыйлығының лауреаты.

Мақпалдың әкесі – суретші, анасы – психолог. Жанұясында 3 бала. Мақпал үйдің кенжесі. Ол кішкене кезінен әнші болуды армандайды. Анасы айтқанындай, ол әр түрлі әндерді айтатын.  Мектеп арасындағы іс-шараларында ылғи ән айтуға да Мақпалды алады екен.

2002 жылы Абай атындағы Қазақ мемлекеттік педогогика университетіннің финанс-экономикалық факультетке түсті.

1999 жылы «Жас қанат» халықаралық ән байқауында екінші орынды иеленді.

«SuperStar KZ» телевизиялық жоба басталғанда Мақпал аралас-сұрыпта қатысып, бірінші 12 қатысушы қатарына оңай енді. Алайда 7 турдан кейін, 2004 жылы қаңтар айында жобадан шықты.

Содан кейін Мақпал музыкалық продюссер Эрик Тастамбекованың көмегімен кәсіби әншілікке бет бұрды.

2004 жылдан бастап Мақпал Исабекова бірнеше бейнеклиптер түсірді. «Первый поцелуй» (2005) деп аталатын алғашқы альбомы жарыққа шығып, Қазақстанда танымал болды.

Юрмалада жыл сайын өтетін музыкалық фестиваль «Новая волна-2005» байқауына қатысып, 9 орынды місе тұтты. Дегенмен «Көрермендер көзайымы» сыйлығына ие болды (Стефан Ричи дизайны бойынша жасалған үлкен бриллиантпен салынған алтын сақина).

Ақпаратты дайындаған: Юсуф Кисбаев